Ef það er hægriöfgaskoðun að telja að það sé ekki í lagi að hér á landi séu á þriðja hundruð ólöglegra hælisleitenda sem eru búnir að fá höfnun fyrir landvistarleyfi og neita að fara. Ef það telst vera hægriöfgaskoðun að það eigi að uppræta erlenda skipulagða glæpastarfsemi hér á landi af alvöru og framkvæma það í verki en ekki bara að tala um það þá viðurkenni ég það fúslega að ég er hægriöfgamaður.

„Það er í raun og veru ekkert í regluverki Evrópusambandsins eða íslensku regluverki sem skyldar okkur til þess að hýsa hér erlenda glæpamenn,“ Þetta er haft eftir lögreglustjóranum á Suðurnesjum, Úlfari Lúðvíkssyni, í viðtali á mbl. 08.04.2025.

Hætta er á svokölluðum „hægriöfgahryðjuverkum“

Byrjum á ólöglegum hælisleitendum, fórum svo í skipulagða glæpastarfsemi og getuleysi íslenskra stjórnvalda í þeim málaflokki og það hjákátlega að halda því fram, eins og kemur fram í skýrslu ríkislögreglustjóra, að helsta hættan fyrir hryðjuverkum hér á landi stafi af hægriöfgamönnum. Þessa þvælu kaupi ég ekki og það er mín skoðun að það sé verið að slá ryki í augu almennings að halda slíku fram. Það hafa ekki verið hægri öfgamenn sem hafa verið að fremja hérna alvarlega ofbeldisglæpi að undanförnu eða að hasla sér völl á íslenskum fíkniefnamarkaði eða koma að skipulögðum glæpum. Það væri nær að setja púður í það að herja á þessa ólöglegu hælisleitendur og koma þeim úr landi, það myndi alla vegana draga úr hættu á svokallaðri „hryðjuverkaárás frá hægriöfgamönnum“

Jæja, snúum okkur að hælisleitendum. Við eigum ekki að sýna neitt umburðarlyndi fyrir því að hér sé fólk ólöglega í landinu og allra síst þegar við skattgreiðendur þurfum að borga fyrir það. Þetta fólk á að fara strax úr landi. Vandamálið er að hér á landi hefur skapast atvinnuiðnaður sem hefur tekjur af ríkinu eins og lögfræðistofur. Þetta lýðst hvergi í hinum vestræna heimi, að fólk sem hefur engan rétt á að vera hérna geti blóðmjólkað skattgreiðendur þessa lands og á meðan fitnar lögfræðiteymin eins og púki á fjósbitanum á sama tíma og gamla fólkið okkar heldur áfram að vera á biðlistum eftir að komast á hjúkrunarheimili eða liggur á rúmum á spítölum landsins sem er dýrasta úrræðið sem er í boði fyrir þjóðfélagið fyrir utan það að stundum þarf það fólk að liggja á göngunum líka.

Hverjir eiga að vera í forgangi?

Ef við uppfyllum skyldur okkar samkvæmt flóttamannasamningi Sameinuðu þjóðanna þá er ekki þar með sagt að við eigum líka að vera hérna með fólk í landinu svo árum skiptir í ólöglegri búsetu. Þetta fólk á ekki að vera í forgangi hér á landi heldur fólkið sem byggði þetta land upp og skilaði sínu til samfélagsins og átti skilið áhyggjulaust ævikvöld. Það á ekki að geyma það fólk í kústaskápum og geymslum á elliheimilum, liggur mér við að segja vegna plássleysis, og hafa það á biðlista við að fá sína sjálfsögðu þjónustu sem það hefur svo sannarlega unnið fyrir í gegnum áratugina. Það á ekki að fara króna í fólk frá íslenskum skattgreiðendum sem er búið að hafna um landvistarleyfi og ef við gerum það er fokið í flest skjól og þá er forgangsröðunin orðin ansi skrýtin hér á landi, með flestalla innviði í vanrækslu.

Krafan er hratt og skilvirkt kerfi og „NEI þýðir NEI“ PUNKTUR OG BASTA. Ef það þarf að koma upp búðum, eða eins og það er kallað lokað búsetuúrræði tímabundið, þá á að gera það, svona getur þetta ekki verið. Það á ekki að vera í boði að stoðkerfin okkar séu sett á hvolf hvort heldur í heilbrigðiskerfinu eða í menntakerfinu, það er komið nóg af bulli hér á landi í þessum málaflokki. Ef ég færi á svartan lista hjá ríkislögreglustjóra fyrir þessi skrif þá væri það þess virði því það er ekki í boði að hafa þessa umræðu í ritskoðun og að það séu pantaðar niðurstöður sem eiga sér enga stoð í raunheimi og að halda því fram að það séu hægri öfgamenn sem hættan stafar af.

Að vera samsekur

Eins ef það er fólk hérna úti sem er að fela þetta fólk þá er það samsekt samkvæmt íslenskum hegningarlögum og þá á að dæma það og ekki gefa nein grið í því. Ég er ekki hissa á að ríkislögreglustjóri meti það þannig að hættan af hryðjuverkum komi hægra megin miðað við hvernig umræðan hefur verið hér á landi eða öllu heldur, það hefur ekki verið leyfilegt að opna þessa umræðu og hún hefur verið ritskoðuð fram að þessu. Það að halda því fram að hættan sé öfgahægri held ég að sé tóm þvæla; ég hef verið hugsi að þessi ákæra á drengina sem áttu að vera að skipuleggja hryðjuverk hér á landi, og ef ég man rétt kom ekki faðir ríkislögreglustjórans við sögu í því máli líka. Þetta mál er búið að veltast um í kerfinu og maður hefði haldið að þar sem er búið að dæma í þessu ætti það að vera búið og það ætti að vera góð áminning fyrir lögregluna að vera ekki að hlaupa svona á sig nema þetta fjalli um að skella ryki í augu almennings.

Þessi réttarhöld yfir þessum drengjum sem áttu að hafa verið að skipuleggja hryðjuverk hér á landi hafa verið í meira lagi átakanleg að fylgjast með, eins og þegar lögreglan boðaði til heljarinnar blaðamannafundar á sínum tíma vegna þess að hér áttu að vera skipulögð pólsk glæpasamtök tengd verslunarkeðju hér á landi, sem reyndist eftir allt saman vera tómur þvættingur. Ekki veit ég til þess að nokkur yfirmaður innan lögreglunnar hafi fengið svo mikið sem tiltal fyrir þá uppákomu á sínum tíma og að allir sitji sem fastast í sínum sætum en í dag.

Ef það er svo að hættan sé hægra megin þá er það vegna þess að það er heimatilbúinn vandi, þökk sé getuleysi íslenskra stjórnvalda til margra ára og þeirri þöggun sem hefur ríkt um þennan málaflokk.

Förum núna út í skipulagða erlenda glæpastarfsemi hér á landi:

Hvar eigum við að byrja? Jú, ofureinfalt. Ef fólk kemur hingað í þeim eina tilgangi að fremja afbrot á að senda þetta fólk úr landi strax, banna því um landvist hér á landi til æviloka. Ef það þarf að setja á lög um það þá á að gera það og að sjálfsögðu herða landamæragæslu til muna, og það ætti ekki að vera erfitt þar sem við erum eyja úti í Norður-Atlantshafi. Þannig komum við í veg fyrir að skipulögð glæpastarfsemi festi rætur hér á landi og við verndum ungmenni okkar í leiðinni, sköpum pláss í fangelsum landsins við erum ekki að fylla fangelsin af erlendum skipulögðum glæpajurtum sem hafa verið að skjóta hér upp rótum.

Nei, það er komið nóg af linkind, nú þarf að bretta upp ermar og fara í tiltekt og fara út með ruslið (erlenda glæpamenn) og fara að lögum og ef það þarf að breyta þeim til að framfylgja því að vísa þessu fólki úr landi, hratt og örugglega, hvort heldur ólöglegum hælisleitendum eða erlendum glæpahópum, þá á að setja það í forgang. Það væri nær að setja fjármagn í þennan málaflokk af alvöru í staðinn fyrir að hervæða önnur erlend ríki í stríði eins og Úkraínu. Að síðustu eigum við að bjóða upp á góða íslenskukennslu fyrir þá útlendinga sem hafa landvistarleyfi til að koma í veg fyrir stéttaskiptingu annars munum við glíma við sömu glæpaöldina og Svíar og hinar Norðurlandaþjóðirnar hafa verið að gera. Síðast en ekki síst eigum við að passa upp á okkar hefðir og gildi, sögu og tungumál og halda í okkar sérkenni sem er íslenskt.

Ég velti fyrir mér hvort hjá þessu væri nokkuð komist, þessi þrón hefur átt sér stað um allan heim og við þessu var varað. Það að það séu börn að bera inn stórhættuleg efni hingað til lands er ekki nýtt því það hafa verið líka íslensk ungmenni sem hafa verið að bera efni innan annarra landa. Er í því samhengi hægt að nefna lönd eins og Brasilíu og Tékkland, og voru bæði þessi mál fræg hér á landi því þær náðust og fengu dóma og þurftu að sitja inni í mun verri vistarverum en þessar stúlkur sem voru teknar með 20.000 töflur af gervi-morfíni sem eru 1000 sinnum sterkari en venjulegt morfín. Í báðum þeim tilfellum var um varnarlausar ungar stelpur að ræða. Við skulum ekki gleyma því að þarna að baki standa líka varnarlausar fjölskyldur sem eru fórnarlömb aðstæðna.

Burðardýr

Þetta eru langt frá því að vera einu dæmin því þau eru fjölmörg og bara fyrir nokkrum mánuðum var atvik þar sem íslenskur einstaklingur átti að vera þvingaður til að bera efni milli landa innan Evrópu, þessum einstaklingi var gerð upp skuld í fíkniefnaheiminum og hann átti að vera frjáls allra mála en ef hann færi ekki myndi hann verða fyrir óbætanlegu líkamstjóni vegna ofbeldis. Eins veit ég að ungmennum hefur verið fjarstýrt hér á landi af erlendum aðilum bæði úti í hinum stóra heimi, hvort heldur þegar kemur að peningaþvætti eða að bera fíkniefni á milli landa, einmitt vegna skulda og þar sem er haft í líflátshótunum.

Við þessu var varað

En við þessu var varað á sínum tíma, að hingað myndu leita skipulagðir glæpahópar og hvað hefur gerst, jú akkúrat það. Ofbeldið hefur harðnað og þessi heimur er allt annar í dag og menn hika ekki við að senda börn með stórhættuleg fíkniefni hingað til lands, sem mun hafa hryllilegar afleiðingar í för með sér á öllum stigum samfélagsins. Ég er ansi hræddur um að þessi slagur sé tapaður og þeir séu komnir til að vera og það að fjölga lögreglumönnum um 50 sé hvergi nærri nóg, því miður. Ég óttast að þessi heimur eigi eftir að harðna til muna með árunum og staðan sé nú þegar orðin ansi svört.

Það er ekki nóg að herða löggæsluna og landamærin, það þarf líka að laga innviðina, meðferðarkerfin og skólana, íslenskukennslu fyrir nýbúana og ef áhersla verður ekki lögð á hana munum við skapa jarðveg til stéttskiptingar, og það er það sem hefur gerst í Svíþjóð og víðar og mér sýnist við vera að stefna í sömu leið hér á landi. Eða eins og lögreglan sagði við okkur Bjössa þegar við unnum í útideildinni þegar við fórum að kynna okkur samstarf félagsmálayfirvalda og lögreglu á Norðurlöndum 1995. Það er ekki bara nóg að herða á landamærum, því ef þú nærð ekki að tilheyra og þér finnst þú vera út undan á þá leitar þú að þínum líkum og það er sá markhópur sem þessar erlendu glæpaklíkur leita að, utangátarkrökkum sem eru ekki að fóta sig í þessum veruleika og þau fá vettvang til að tilheyra á hæpnum forsendum.

Er stríðið tapað

Það er staðreyndin og það hefur nú þegar gerst því það var komið á samband milli manna á Norðurlöndunum við íslenska aðila, sem hefði hæglega getað haft alvarlegar afleiðingar hér á landi, og var stöðvað af yfirvöldum.

En fólk skal ekki halda að það sé nóg að gera það í eitt skipti því það finnast bara aðrar leiðir til samskipta og það er mikið eftir að slægjast hér á landi því fíkniefnamarkaðurinn er stór og efnin eru dýr. Staðreyndin er þessi, það er ekki hægt að sofna á verðinum og þetta er ekki lengur þannig að það séu undirheimahöfingjar hér á landi sem stjórni öllu heldur er þessu fjarstýrt annars staðar frá eins og ég nefndi hér að framan. Eins og þau ungmenni sem eru að fara héðan út í heim að bera efni á milli landa til að standa í skilum á fíkniefnaskuldum því fíkniefnaheimurinn er ekki eitt markaðssvæði og þar gilda engin landamæri innan hans og menn svífast einskis og harkan á bara eftir að aukast eins og lögreglan benti okkur á 1995 í Kaupmannahöfn eða eins og þeir orðuðu það, bíðið bara, þetta kemur!

Við sjáum og heyrum brotabrot

Ég held að það sem beri fyrir augu almennings og eyru sé svo lítið brotabrot af því sem er að gerast í þessum heimi og fólk geti engan veginn gert sér í hugarlund hvað þetta er ljótur heimur. Fyrir komu Facebook og Messanger hafa jafnvel fullorðnir fangar úr fangelsum landsins verið að fjarstýra og sér í lagi ungum, illa áttuðum stúlkum, hérna út á götu sem hafði í för með sér hræðilegar afleiðingar fyrir sumar af þessum stúlkum og fjölskyldum þeirra. Eins og er sagt hér að framan, það sem ber fyrir augu almennings er bara brotabrot af ljótleika þessa heims og það verður að taka honum alvarlega og svarið er ekki að byggja 25 milljarða fangelsi heldur miklu frekar að styrkja forvarnir og menntakerfið og sér í lagi fyrir einstaklinga sem eru ekki að ná tökum á lífinu.

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.

3 Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.